Kerobia

Musikalki hunkigarria, Kerobiaren ekarriak armonia bitxiak, sakonak dakartza, melodia txukunerako joera argi erakutsiz. Poparekiko grina ezkutatu gabe, orokorrean tenpo erdiko rock doinuak nagusitzen dira, teklatu zein korda laukote edo tronpetarekin aberastuak. Him, Muse, Coldplay edo euskal panoramako izen berritzaileak datozkigu gogora, baina Kerobiak nortasuna erakutsi du beste edozeren gainetik.
Letren aldetik esan behar da Xabiren poesia ederki doakiola musikari darion iluntasun eta goibeltasunari, belarria eta are bihotza uzkurtzeraino.