III

Añorgako taldeak ongi merezia zuen maila honetako diska kaleratzea. Aurkezpen, soinu eta kantuen aldetik ikusgarria, ASGARTH-en hirugarren lanak argi utzi du beraien arrakasta ez dela behin behineko gauza izan. Urte osoa eman dute entsaio lokalean kantak prestatzen eta hori emaitzan nabaritu egiten da: Asier Enbilek sekula baino hobe abestu du (koro ederrak eginez) eta taldeak ideiak oso garbi dituela antzematen da. Urteko disketako bat, heavy metalaren zaletuak bapo utziko dituena.